Ol kainkain hevi i wok long kamap long tupela bikpela skul insait long Aitape/Lumi Distrik.

Distrik Polis Steisen Komanda, Sajen Meija Paul Vavena i mekim ol strongpela toktok long ol skul pikinini long Aitape Provinsel Hai Skul na tu long St. Ignasius Sekonderi Skul, long o imas lukluk gut long ol bikhet pasin bilong ol na senis.

Long sampela ol ripot we Aitape Star ibin kisim long PSC, em ibin tok olsem em ino amamas tru long save na harim olsem dispela ol kainkain ol bikhet pasin i wok long kamap insait long dispela tupela skul.

Em i tok olsem dispela ol kain raskol pasin i bagarapim nem bilong skul, na tu i bagarapim sindaun bilong ol skul pikinini.

"Sapos ol skul mangi i laik mekim dispela kain ol pasin long skul, mi olsem wanpela memba bilong 'Disciplinary Board' bilong tupela skul wantaim bai 'make sure' olsem bai mi painim dispela ol bikhet mangi na rausim ol long dispela ol skul, bai ol ino inap long bagarapim ol narapela gutpela skul mangi," Sajen Meija Vavena ibin tok.

Ibin gat tupela ripot long dispela kain raskol pasin ibin kam long dispela tupela skul. Nambawan ripot em long wanpela stil we ibin kamap long Aitape Hai Skul long sampela wik igo pinis. St. Ignasius Sekonderi tu ibin kisim sampela kain hevi olsem ibin kamap.

"Dispela kain ol pasin i soim olsem igat sampela ol pikinini husat ino wok long luk klia long dispela as tingting bilong ol long stap long skul. I want the students to understand their purpose in school, that educatio is a very important part of life and to stop wasting their time with other things that can jeopardize this opportunity," PSC itok.

Em itok moa olsem ol papa, mama, na ol wasmanmeri bilong dispela ol pikinini imas toktok strong long ol tu na traim long helpim ol long senisim o lusim dispela kain ol pasin.