Bisop i givim blesing na mekim pre antap long ol tripela.

Tripela man bilong Ningil Peris, ikamap diken.

Dispela tripela man ibin mekim promis bilong ol long kamap diken long namba 6 dei bilong dispela mun Febueri 2005, long St. Ignatius Ketidrol long Aitape.

Ol dispela tripela diken em nem bilong Diken Tony Francis, Douglas Ramina wantaim Joseph Tungi na ol tripela ikam long oda bilong ol Daiosisen Pater.

Bisop Austen Crapp O.F.M., yet ibin stap long dispela taim long harim promis bilong ol.

Planti ol narapela Daiosisen, Franciscan na Spiritan Pater tu ibin stap long dispela taim bilong odineisen. Ibin gat tu ol narapela bruder na ol sister tu husat ibin stap.

Dispela ol tripela diken tu em ol bilong ol ples insait long Ningil peris yet. Wanpela em bilong Yili, narapela bilong Yarasi na narapela bilong Ningil.

Long dispela taim tu ibin gat bikpela rein ibin pundaun long Aitape, tasol dispela ino bin stopim planti ol manmeri long go long witnesim dispela bikpela dei.

Bisop wantaim ol tripela diken bihain long misa.