Poto i soim wanpela long ol man husat ibin givim bikpela helpim long putim ol samting igo antap long kar.

Ol lain bilong ples i givim bikpela helpim long ol kaikai samting bilong helpim ol brata na susa husat i kisim bagarap long dispela maunten paia bilong Manam.

Ol ples olsem Sissano na Warapu long Aitape Wes Kos na Matapau, Ulau, Yakamul na Paup bilong Aitape Is Kos tu ibin givim planti ol kaikai bilong gaden.

Wantaim bikpela helpim tu bilong Aitape Daiosis, long sait bilong kar long go kisim ol kaikai na tu bikpela hlepim bilong Fr. Joe Amanos long stretim toktok wantaim Lutheran Shipping, ol dispela olgeta kaikai ibin go long wanpela kago bot igo long Madang.

Poto i soim sampela ol wokman bilong daiosis yet husat ibin lusim ol wok bilong ol long givim taim long helpim wantaim ol doneisen.

Long Madang, wantaim helpim bilong Arch Bisop William Kurtz SVD, na tu ol lain bilong Caritas (PNG),

Sampela ol lain wokmanmeri bilong Raihu Haus Sik ibin givim liklik helpim tu. Dispela poto i soim Sr. Augusta wantaim sampela ol bek kaikai we em ibin salim long ol lain femili bilong em. Sr. Augusta em bilong Madang, na i wok long Raihu olsem wanpela nes.

ol ibin kisim olgeta dispela ol kaikai igo long ol ke-senta long Bogia.

Wanpela wokman bilong Aitape daiosis yet, Steve Garry ibin tok olsem dispela kain pasin we ol pipol bilong Aitape i mekim, em i olsem wanpela kain gutpela wei tu long tok tenkyu long ol lain long Manam na tu Madang long helpim we ol ibin givim long taim bilong tsunami disasta long yia 1998.

Ibin gat sampela ol doneisen kaikai tu we ibin kam long ol lain wokmanmeri bilong Raihu Haus Sik na tu ol sampela bilong Aitape taun yet.