Singsing Competition for Children

Dispela toksave igo long olgeta Komuniti Skul bilong Aitape Daiosis. Stat long dispela yia 2007 mi laik helpim ol pikinini long kirapim interes bilong ol long singsing, bai ol iken save long ol presen bilong ol na ol iken usim dispela presen bilong salim ol gutpela toktok long ol wanskul bilong ol, long ol papamama na long ol yangpela.

Dispela laik bilong singsing iken strongim ol tu long liptimapim God long Haus Lotu wantaim amamams.

Progrem bilong Kompetisen:

1. Wanwan skul imas kirapim dispela kompetisen, askim ol yut o papamama long komposim singsing ol pikinini bai singim, larim ol pikinini i singim long wanpela kompetisen wanwan skul iken kirapim bipo long mun Julai. Ol iken singim kainkain singsing, tasol imas singim singsing bilong ol pikinini.
2. Ol pikinini iken singsing solo o 2-3 wantaim, krismas bilong ol imas aninit long 10pela krismas.
3. Ol husat i win long wanwan skul bai ikam long bikpela kompetisen bai kamap long Aitape Yut Senta long mun Novemba.
4. Dispela ol singsing igo long fainol, bai mipela rekodim long studio bilong Antonine Senta na kamapim wanpela CD.
5. Sapos sampela skul klostu long Aitape i laik bringim sampela ol grup singsing o sampela arapela item i orait, bai toksave long Fr. Gianni.
6. Ol pikinini yet bai votim wanem singsing bai winim kompetisen.
7. Husat i win bai igat gutpela presen.

Mipela i laik holim dispela kompetisen olgeta yia, na traim long salim wanpela bilong ol pikinini i win long Itali long Intenesinol Kompetisen.

Sampela moa toksave bai mi givim bihain, dispela em i bilong toksave long yupela tasol. Taim yupela i rait bai mi salim moa infomeisen long wok yupela imas mekim long wwanwan skul. Tenkyu!