Olsem Santu Fransis em i peitron bilong Ikoloji long graun, ol SFO (Secular Franciscan Order) bilong St. Anna Fraternity ilaik tingim em long wanpela spesiol wei.
Olsem na mipela ibin makim Oktoba 30 olsem wanpela spesiol de bilong mekim wok klin-ap o klinim ples.
Long dispela dei long las yia 2004, mipela ibin mekim nambawan wok klin-ap, we ibin stat long Kumu Maket igo pinisim long St. Anna Praimeri Skul.
Long dispela dei mipela ibin tingim olsem nogat planti manmeri bai kamap long wanem, namba bilong mipela ol memba yet ibin olsem 12pela tasol, wantaim tisa bilong mipela Sr. Jeaneth.
Long 8:30 long moning, 26pela manmeri tasol ibin kamap. Tasol bihain long 9 kilok, planti moa ol lain ibin kam long helpim. Namba bilong mipela ibin kamap olsem 40pela manmeri na ol pikinini tu ibin helpim long wok.
Mipela ibin amamas tru na nau ilaik tok tenkyu tru long; ol Patrician Brothers, ol Franciscan Sisters, Mrs. Helen Garry wantaim ol pikinini, ol arapela ibin helpim mipela na mipela ino lustingting tu long Fr. Tim husat ibin givim bikpela helpim tu.
Dispela em namba tu klin-ap mipela ibin mekim na long dispela yia 2005, bai mipela mekim narapela klin-ap gen.