By Ivor Nateleo

St. Ignatius Katedral Peris i mekim wanpela bung selebreisen wantaim Misa na ol arapela ektiviti long amamasim dispela taim bilong Krismas na Niu Yia.

Dispela selebreisen we ibin kisim olsem wanpela wik olgeta ibin kamap long Yut Spot Senta, long Aitape.

Peris Pris, Fr. Chinedu Nwadike CSSp, ibin go pas long ogenaisim dispela wan wik selebreisen, we ibin gat ol Misa ibin kamap long olgeta avinun long wanwan dei na tu ibin gat ol dei bilong ol wanwan sab-peris komuniti na tu ol relijis komuniti long putim ol kainkain ektiviti bihain long ol Misa.

Fr. Chinedu ibin tok olsem dispela ibin nambawan taim tru bilong dispela kain samting ibin kamap long peris na em i amamas tru olsem dispela ibin kamap.

Em i tok tu olsem Bisop ibin amamas long dispela na ibin askim bai dispela kain bung ikamap long olgeta yia.

Dispela bung selebreisen ibin stat long 26 dei bilong mun Disemba long las yia 2005 na ikam long dei namba tu bilong mun Jenuari long dispela yia 2006.

Em ibin tokim Aitape Star tu olsem as tingting bilong dispela bung selebreisen em long amamasim dispela taim bilong Krismas.

"Christmas time is such a special period that should not pass away without commemorating it with a big celebration or great joy and happiness. I was inspired by what usually happened in my country and so thought that it would be a good idea to try for my parishioners," Fr. Chinedu ibin stori.

Pater ibin tok tu olsem em ibin amamas long dispela bung long wanem em ibin bungim wantaim olgeta sab-peris na tu ol brata na susa bilong ol narapela sios.

Ibin gat planti ol kainkain ektiviti ibin kamap, na planti ibin mekim ol gutpela toktok long dispela kain samting ibin bringim planti ol manmeri na pikinini wantaim.

"It is the first of it's kind to be held in the parish and I, as a sub-parish chairman, wish for it to continue as an annual event," Siaman bilong St. Anna Sub-peris, Paul Uwom ibin tok.

"Mi bin laikim tru dispela tingting bilong holim na strongim dispela gutpela spirit bilong Krismas we isave bringim amamas long yumi olgeta," Siaman bilong St. Ignatius Katidral Peris, Ferdinand Wakenu tu ibin tok.