"Ol pipol imas save olsem dispela sik i wok long kamap bikpela moa, na PNG em i namba fo (4) insait long Pacific na Asia."

Hubertine, wanpela junia treina bilong NAC (National AIDS Counsel) ibin mekim dispela toktok long wanpela wan wik wokshop bilong HIV/AIDS we ibin kamap long 3rd igo long 7th Julai.

Dispela woksop we i kam aninit long wanpela progrem ol i kolim long Tsunami Anotal Development Progrem em i nambawan taim tru long en long kamap.

Dispela niupela progrem i lukluk long kamapim gutpela developmen na sevis long sait bilong helt, edukeisen,agrikalsa, ol meri grup, yut na long ol sios tu.

Dispela woksop tu em NAC wantaim helpim bilong AusAID ibin putim moni long kamapim. Ibin gat 32pela ol manmeri husait ibin stap long dispela woksop.

Ol dispela lain husait ibin stap em ol tisa, polisman, sumatin, ol mama, ol bruder, sister na narapla wokmanmeri bilong sios, ol yut na ol wokmanmeri.

Man husait igo pas long givim dispela woksop em Ricky Saren husait i Provinsol Kaunsoling Kodineita bilong AIDS long Sandaun na wanpela Treina bilong NAC. Br. Cletus tu (treina bilong NAC) ibin helpim em.

"There needs to be alot of awareness because statistics are rising however, communities aren't aware enough to enable them to cope," Mrs. Hubertine ibin tok.

Em i tok tu olsem ol ibin kisim ol kain lain olsem ol tisa long kam long wanem, ol bai inap long tisim ol skul pikinini long mekim awenes long ol skul.

Ol polisman tu ol ibin askim ol long stap long dispela woksop long wanem ol imas luksave olsem igat lo pinis istap, we ol NAC ibin kamapim, dispela lo em "Law Against Discrimination". Dispela lo i karamapim olgeta lain husait igat AIDS na ikisim bagarap long ol lain husait i birua long ol.

"We must take this sickness that is spreading like wild-fire seriously, or else it will eventually become so serious that it will have a great effect on the flow of services in the country," Mrs. Hubertine ibin stori.

Em itok tu olsem bai gat ol narapela woksop bai kamap bihain.