Wanpela kos bilong 'Stiaim Wok Community Based Rehabilitation' (CBR) bilong ol diseibol manmeri ibin kamap long Fr. Antonine Diseibol Senta (FAS), Aitape.

Long dispela mun, 20pela manmeri ibin stap insait long wanpela kos bilong CBR ol i kolim long 'Introduction to CBR'. Dispela kos ibin stap inap long tupela wik olgeta.

Na ol lain manmeri husat ibin stap long dispela kos ibin kam long ples olsem Ulau, Yakamul, Ningil, Sibilanga, Pes, Poro na Aitape Sentrol (eria) yet.

Long dispela kos ol ibin lainim ol samting long sait bilong treining pastaim na bihian long mun Ogus bai ol igo aut na mekim prektikol o wok wantaim ol diseibol manmeri na pikinini.

Bipo long presenteisen bilong ol setifiket, man igo pas long toktok Hughie Wansana, ibin mekim toktok long strongim ol lain i kisim kos olsem: "KOmuniti bai igat luksave long yu, tasol yumi mas tingim tu olsem yumi bai kamap olsem wok boi na lida tu."

"This journey is not the beginning and not the end because we have a long way to go, and if we have peace in ourselves we will serve well. The most important thing to remember is to let the disabled person know that he or she is a good person, this will encourage them more," Adrian Riyak, Menesa bilong FAS ibin tok.

Man husat ibin mekim bikpela wok tu long FAS long planti yia ikam, Fr. Leo Leoni ofm, ibin mekim tok tu olsem: "Olsem wanpela volentia, yu yet yu bos na yu yet i mekim wok wantaim God na ol pipol."

Projek Opisa bilong FAS Kelly Walpui ibin givim tok amamas tu long ol lain bilong kos na i mkeim tok olsem, CBR emi bisnis bilong olgeta, olsem na olgeta imas wok bung wantaim long kamapim gutpela sindaun bilong olgeta maski yu diseibol o gutpela manmeri.

Bihain ibin gat presenteisen bilong ol setifiket wantaim liklik pinis kaikai.