Ol kaunsela ikism save long lukautim man o meri husat igat sik HIV/AIDS.

Wanpela wan-wik woksop bilong ol Wok Sambai Kaunsela ibin kamap long Aitape long namba tu dei bilong mun Jun (02.06.09).

Dispela woksop bilong 'Home Base Care' ibin skulim ol 16pela lain kaunsela ol kain samting olsem: 1) Beisik save o infomeisen long wanem samting em HIV, 2) Gender Human Rights, 3) Health Concern (hau long lukautim eria we sikman istap) na 4) Care during last days of patient's life (wei bilong lukautim sikman o meri long las ol dei bilong em long stap laip bipo em idai).

Ibin gat 16pela man na meri olgeta husat ibin stap insait long dispela woksop, na meri husat igo pas long givim skul bilong dispela woksop em Naomi Paime (husat em wanpela meri isave mekim wok bilong HIV/AIDS Provinsel Opis long East Sepik Provins na tu husat ihelpim Br. Cletus Walle - HIV/AIDS Kodineita bilong Daiosis).

Dispela treining bilong ol kaunsela em long helpim ol long kisim save na tu helpim ol narapela long kisim save long ol gutpela pasin o wei bilong lukautim ol man o meri husat igat dispela sik HIV/AIDS.

"Dispela kain skul iken helpim long banisim dai long bungim man o meri husat igat sik HIV/AIDS long em ino inap dai hariap," Naomi itok.

Em itok tu olsem, long lukluk long wei na pasin bilong ol manmeri istap nau, bikpela samting em 'STIGMA na DISCRIMINATION na tu SELF-DISCRIMINATION' (pasin bilong toktok long bagarapim narapela husat igat dispela sik o tingting bilong yu yet ibagarapim yu).

Ol kaunsela ibin amamas long dispela woksop na ol itok olsem ol ilainim planti gutpela samting long helpim ol yet long sait bilong wok olsem kaunsela long Sambai na helpim ol narapela.

Diocesan Staff with Bishop Otto outside the Diocesan Office Complex after congratulating him