Dispela wanpela wik semina we i bin kamap, em ibin namba 26 Pentekos Semina insait long Aitape yet.

Planti ol manmeri ibin go long harim ol skul na ol toktok bilong strongim bilip na spirit na tu bilong helpim ol long gat gutpela sindaun long laip bilong ol.

Long pinis bilong dispela wan wik semina, ibin gat wanpela bikpela misa tasol ibin kamap long Yut Spots Kompleks. Bishop Austen Crapp ibin go pas long dispela misa.

Long taim bilong givim skul long tok bilong God, Bishop Austen ibin toktok strong long dispela pasin bilong hope we Holi Spirit i save bringim long ol bilip manmeri.

"Holi Spirit tasol em i as bilong hope bilong olgeta manmeri, olsem na wanpela wei tasol we ol pipol inap long kisim dispela hope em long putim olgeta strong bilong ol igo long Jisas Krais," Bishop Austen itok.

Em i bin tok strong tu olsem: "Sapos inogat hope insait long laip bilong ol pipol, bai ol tu inogat laip. Long wanem, ol pipol imas gat spirit bilong God long givim hope we bai i givim laip."

Long dispela taim tu ol sumatin bilong ol tupela praimeri skul, Aitape Primary na St. Anna Primary i kisim konpermasio bilong ol.