Wanpela wan wik ritrit ibin kamap we i bungim planti ol katolik manmeri bilong Yulem Sios long Mukili Peris, long as tingting bilong Holi Spirit i soim yumi rot igo long laip tru.
Salanus Kangi (Peris Yut Siaman) na Bernard Bipi-in (Karesmatic Lida), wantaim helpim bilong ol gutpela manmeri insait long komyuniti ibin ronim dispela wan wik sarap, stat long Fraide 6 dei igo inap long Sarere 14 dei bilong mun Mei.
Ol ibin lukluk insait long 6pela hap bilong dispela ritrit. Hap nambawan as tingting/ theme bilong em: "Stap Was" (Aisaia 21:6-8). Dispela i lukluk long laip bilong yumi wantaim kristien (Gen 2 na 3), na laip bilong yumi olsem wanem (Gen 3).
Hap nambatu, as tingting em: "Harim" (Aisaia 21:11-12). Long dispela ol i lukluk long plen bilong God i kisim bek man (through Jesus).
Long hap namba tri, as tingting em: "Bringim hop" (Aisaia 52:7-9). Dispela i lukluk long Ressurection.
Long hap namba fo ol ibin lukluk long wok bilong Holi Spirit i strongim ol kristens, spiritual gifts (1 Korin 12:1-11 na 1 Jon 4:1-4), na sampela stadi long wanpela buk ol i kolim - Prepare for battle. Dispela buk em Ian Malins ibin raitim. (Page 18-Study 10, Should I be afraid of bad spirits).
As tingting bilong namba 5 hap em: "Tok strong" (Ezikiel 33:7). Dispela i lukluk long mi husat?
Na long namba 6 hap: "Skelim ol samting i kamap long bihain taim." (Habakuk 2:1-6). Dispela i lukluk go bek long mi, skelim na painim niupela wokabaut.
Dispela ritrit ibin pinis long Sarere 14 dei bilong mun Mei wantaim Lotu Penans, we wanpela pre lida yet ibin go pas long em. Bihain long dispela ibin gat wanpela bikpela bung kaikai bilong pinisim olgeta wok.
Long Pentekos Sande 15 dei bilong mun Mei, planti ol katolik man, meri na pikinini klostu olsem 200 olgeta ibin kamap long selebreitim Fis Dei bilong Yemerbe Lokol Sios, em Katekis Ferdinand Watua ibin go pas long dispela. Olgeta KST na PST long olgeta komyuniti ibin stap long dispela taim.
Peris Kodineita bilong Yemerbe Sios, Ambros Ure na John Bosco, tupela ibin go pas long ogenaisim dispela dei na mekim kamap gutpela tru.
Siaman bilong Mukili i givim tok amamams bilong em tu igo long wok bilong ol PST na KST wantaim olgeta ministri wokman bilong sios, insait long peris. Long wanem ol ibin wok bung wantaim gut long kamapim dispela kain samting.
Em i tok tu olsem ol pipol bilong dispela hap ibin nogat wasman long longpela taim inap long 20pela yia, tasol mipela imas wok hat long strongim dispela hap ikam long Holi Spirit we em i as bilong gutpela pasin na long senisim ol pipol long sait bilong fisikel, sosel na spirituel divelopmen.