Ol wokmanmeri long daiosis i bin bung long wanpela ritrit, bilong strongim spirit (spiritual renewal program) bai ol iken mekim gut wok misin bilong sevim ol pipol bilong God.
Ol lain husat ibin go pas long givim dispela ritrit em, Fr. Martin We-en wantaim ol wokmanmeri bilong St. Martin's Pastoral Senta, Fr. Joseph Tungi, Fr. Zachary Miroi na ol memba bilong 'Diocesan Team of Pastoral Animation' (DTPA).
Long welkam toktok bilong Fr. Martin, em ibin tok olsem dispela ritrit em i nambawan taim tru bilong em long kamap insait long dispela niupela menejmen sistem.
"This is an important step in implementing our vision. If we have that in our hearts, we will express that in our actions," Fr. Martin ibin tok.
Em itok moa olsem dispela tingting bilong ritrit ibin kamap long bung bilong ol progrem menejas, husat ibin laikim dispela long kamap.
Bisop Austen Crapp ofm, tu ibin stap long stat bilong ritrit na em tu ibin mekim sampela toktok.
"Mi amamas tru long dispela kain samting i kamap, long wanem ol wokmanmeri inidim tru dispela niupela spirit long strongim ol bai ol inap long bihainim gut dispela niupela straksa we daiosis i laik bihainim. Be responsible, get out and make a difference. If a person is filled with a vision and the power of love, they can make a difference in the world," Bisop ibin tok.
Daiosisen Meneja tu ibin tenkim Fr. Martin na tim bilong em DTPA long kamapim dispela tingting bilong holim dipela ritrit.
"Mipela olgeta igat singaut long mekim wok long daiosis. Yumi olgeta igat wanwan presen na yumi mas traim long mekim ol wok bilong yumi long stretpela wei na wantaim ol gutpela visen. Igat kain tim long kisim mipela long kam bek na skelim, bringim yumi kam bek long bungim yumi wantaim long strongim yumi long dispela presen we papa God i givim yumi," Mr. Nateleo ibin tok.
Dispela 'renewal progrem' em i niupela tingting o laip we daiosis i laik wokabaut long en. Bai tupela moa ritrit i kamap bilong ol meneja bilong ol wanwan dipatmen (Julai na Oktoba). Insait long dispela ol ritrit bai ol i lukluk long ol dispela samting:
* grup diskasen long serim tingting
* astingting bilong dispela samting 'renewal'
* ol baibel skripsa
* serim ol tingting
* na serim ol tingting tu long ol wei we yumi wanwan iken bringim dispela pasin bilong wok bung wantaim (unity) igo bek long ol famili, komyuniti na ples.
Fr. Martin ibin tok tu olsem dispela Pastoral Plen em i olsem wanpela wokabaut (journey) bilong soim 'faith' bilong yumi, bilong evenjalaiseisen. Na riniuwol bilong daiosis em i olsem yumi i gro long dispela pasin bilong wok bung wantaim.
Dispela ritrit ibin kamap long mun Epril we planti long ol wokmanmeri ibin kamap long en. Ol lain bilong Wok Sambai, St. Martin's Pastoral Senta, Sosel Sevis na Edministreisin.
Tasol ibin gat sampela tu husat ino bin kamap, long wanem ol i lukim olsem ating wok bilong ol i bikpela samting moa, na bai ol ino inap long givim liklik taim long bung wantaim ol narapela na givim tenkyu long God, long wanem save, laip na spirit em i givim long ol, long mekim dispela ol wok.