Mipela ol lain long ples Paup i harim pinis sampela tok win olsem bai Minista bilong Fores bai kisim wanpela loging kampani i kam long katim ol diwai long kisim timba long ol bus bilong mipela.
Long tingting bilong mi olsem wanpela papa graun bilong ples Paup, mi inogat gutpela tingting long ol dispela ol lain ikam.
Planti long mipela istap pinis na wok bung wantaim ol lain bilong konsaveisen long Atiape Daiosis na mipela i lukim pinis ol planti gutpela kaikai ikamap long dispela wok bilong konsaveisen, moa yet long dispela sait bilong wokabaut sawmil (lukas mil).
Mi laikim olsem sapos minista itingting long bringim ol dispela kain kampani ikam, orait em imas kam pastaim long ples bilong mipela stret na givim sampela kain awenes toktok na em imas kamapim pastaim dispela gutpela pasin bilong wok bung wantaim, olsem ol konsaveisen i mekim pinis.