Opis bilong HIV/AIDS long Daiosis iholim gen namba tu tonamen bilong Ragbi Tas long Aitape.

Wanpela taim gen long dispela yia (2008), Br. Cletus Walle oh, HIV/AIDS Kodineita isponsarim Ragbi Tas Tonamen long Aitape taun.

Em ibin statim ol trail pilai long namba 19 dei bilong dispela mun long lukim laik bilong ol tims long pilai insiat long dispela kompetisen.

Inap olsem 14pela tim olgeta ibin stap insait long dispela pilai resis, 8pela tim bilong ol man na 6pela tim bilong ol meri.

Br. cletus itokim Aitape Star olsem gren fainel bilong dispela pilai resis bai kamap long nambawan dei bilong mun Disemba, we dispela dei tu imakim bikpela selebreisen bilong Wol AIDS Dei long olgeta kantri bilong wol.

Em itok moa olsem astingting bilong dispela pilai resis em ino long sait bilong spots tasol, em ibin kamapim dispela long helpim wok awenes, bilong dispela sik nogut HIV/AIDS long kamap strong moa insait long ol komuniti bilong yumi bai ol manmeri iken save gut, lukautim ol yet gut na banisim ol yet na ol famili bilong ol long dispela sik.

Sampela moa stori long dispela AIDS Ragbi Tas Tonamen bai kamap long neks mun edisen bilong Aitape Star.